يــــــــــــاأولياء الامور : لا تؤتوا الســفهـــــــاء امـــــوالكم

لـــــــما ماتعرفش قيمة الشي اللي عندك

ولما ايجيك بالساهـــــل

هاداكــــــــــا وين تبدا سلسلة الاستهتـــــــار

لما تبدا حــــياتك فيها فراغ

وماعندك كيف تلفت الانتبـــــاه ...تبدا الهـــــياجة المحرمة





يحكــــي واحد قالك : لما شفت اصحابي بحدا ســــور المدرسة ...

نبي انوريهم اني سواق مش عادي ... ومانخافش ... جيت عالكوربة

جبدت الفرينو مانو

وماندريش عالســـــيارة لين ضربت الشجرة




لحظة جنـــــــونية ... ماتفيقش منها وتندم الا بعد ماتشوف السيـــــارة

وينـــــــاري عاللي دافع فيها وشاريها بعرقه



ضعف رقابة الأسرة .. وغفلة كثير من الآباء عن أبنائهم

في اللي يشري السيـــــــارة لولده وتم ... مايكلفش روحه عنـــــــاء ايراقب تصرفات ولده

ولا ياخـــــد منه السيارة كان ماستعملهاش كويس


في برنامج امريكي : واحــــــد مداير عداد سرعة لولده في السيارة من غير مايندري ... وكمرة مراقبــــة




ومن جانب آخر ..يشري الابـــــ سيارة لولده الصغير اللي يبدا مرات 12 13 سنة
أو أقل ..ليــــــن تتخيل انه السيارة تمشي من غير سواق

ولما تقرب تلقـــــــاه حط مخدة ولا اتنين ومكبش في الستيرسو

هذا " العيل ".. سرعان ما يقلد غيره من اللي يسطربـــــو .. ويسيء استخدام السيارة .



يعني مضيــــــــعة للمال والممتلكات والارواح

يعني كل يوم اتزيد في احتمـــــالات "موتك او اصابتك" بضع نسب مئوية




اللي خطر عليا الموضوع:

طابـــــــــور السيارات اللي في زنقتنا ... من جرت تسطريب آمس


أخي الشاب: يا من خلقك ربك فسواك..

ورزقك وكساك.. وأطعمك وسقاك.. ومن كل خير سألته أعطاك..

ومع ذلك عصيت وما شكرت.. وأذنبت وما استغفرت..

تنتقل من معصية الى معصية.. ومن ذنب الى ذنب..

كأنك ستخلد في هذه الدنيا ولن تموت. تبارز الله بالمعاصي والذنوب..


غافلا ساهيا عن علام الغيوب.. ليت شعري متى تتوب.. متى تتوب؟


واحـــد ايقول في شعر :

دعني أمتع ما الشباب ببـاقي *** واكـتب مخـالفـة على الأوراق
يا أيها الجندي دعني ،كف عن ***جلدي وعن حبسي وطول لحـاقي
إني خبـيـر مـاهر متفـنن *** فاسأل ـ رعاك الله ـ كل رفـاقي
واسأل دروب الحي عن سيارتي *** تنـبيـك عن نـوعيـة السـواق

رد عليه رجل المرور :

يا ذا المسطرب هـاك من أعماق *** سـيلَ الـوعيد بغيبة الإشفاق
قسماً ـ وإنك عـالم ـ أني لها *** أن سوف يقرن ، راحتيك وثاقي
يـا أيهـا المسـكين إن إرادتي *** لم تستكن ـ يوماً ـ إلى الإرهاق
بالحزم لا بـتـوددي وتخـاذلي *** سترى الطريـق وفاضل الأخلاق


والله المستعان

ان شاء الله ان تستفيدو منه
سلام

شكرا ليكي اختي علي الموضوع والله اني في الحالات هدي ان نوكل الامر للاهل لان الولد او النت في الشارع مرايا تعكس اخلاق عائلتهم يعني تصرفاتهم يا حتنضلم فيها عيله او حاترتفع بيها عيله
والله ايسامح الاهل المتسيبين واللهم ابعد رفاق السوء لانهم من شياطين الانس

يلا نشكرك اختي مره تانية وشكرا لطرحك للموضوع اختك لومي

شكرا يا اختي لومي
وكلامك مزبوط وشكرا على ردك
سلام